1948 වසරේ ගම් සභාවක් ලෙස ආරම්භ වි විවිධ ව්‍යුහාත්මක වෙනස්කම් සිදු වෙමින් ප්‍රාදේශීය ලේකම් කොට්ඨාස 03 ක වපසරිය තුළ ග්‍රාම නිලධාරී වසම් 112 ක් අයත් ඓතිහාසික වටිනාකම් රැසකින් ද වීරකැටිය ප්‍රාදේශීය සභා බල ප්‍රදේශය සමන්විත වේ.කාර්ය සාධන උපායමාර්ගික සැලසුම් සහ අයවැය ගත ව්‍යාපෘති ආදිය සකස් කොට ඒ හරහා විධිමත් පිරිසිදු නගර නිර්මාණය, බල ප්‍රදේශයේ ජනතාවගේ සුභ සාධනය සහ ජීවන තත්ත්වය ඉහල නැංවීම, යටිතල පහසුකම් සංවර්ධනය, වීථි ආලෝකකරණය ආදී වූ ජනතාවගේ සුභ සිද්ධියට ඉවහල් වන සියළු පහසුකම් සැලසීම යන අරමුණු ලඟා කර ගැනීම වෙනුවෙන් සාමූහිකව ක්‍රියාකරනු ලබයි.ඒ අනුව වීරකැටිය ප්‍රාදේශීය සභාවේ ආදායම්, වියදම්, මූල්‍ය ප්‍රකාශන ආදී වූ මූල්‍ය කාර්ය සාධනයේ විශ්ලේෂණාත්මක ඉදිරිපත් කිරීම් මෙන්ම ආයතනික පැතිකඩ, මානව සම්පත් පැතිකඩ, තිරසාර සංවර්ධන අරමුණු කරා ඉලක්ක සහ දර්ශක මෙහෙයවීම ප්‍රජාව සහ විවිධ පාර්ශව සම්බන්ධීකරණය කර ගත් කමිටු මඟින් ජනතා ගැටළු හඳුනාගෙන විසඳුම් සකස් කිරීම ආදී වූ උපාය මාර්ගික මුලපිරීම් සහ අනාගතය සඳහා වන ඉදිරි දැක්මෙන් කටයුතු කිරීම මාගේ ඒකායන අරමුණයි.

           දිනෙන් දින නව තාක්ෂණයෙන් ඉදිරියට යන ලෝකය සමඟ අත්වැල් බැඳ ගනිමින් වීරකැටිය ප්‍රාදේශිය සභා බල ප්‍රදේශය තුළ වෙසෙන ජනතාවට සහ සමස්ත මහ ජනතාවටම අප කාර්යාලයෙන් සැපයෙන සේවාවන් ඉක්මනින් හා ඉහළ ථලදාය්තාවයකින් යුතුව ලබාදීම අරමුණු කරගනිමින් සකස් කරන ලද මෙම වෙබ් අඩවිය මේ අයුරින් ඔබට ඉදිරිපත් කරමි. මෙය තුලින් බල ප්‍රදේශය තුළ අප ඉටුකරනු ලබන කාර්යයන් මෙන්ම දැවැන්ත සංවර්ධන ක්‍රියාවලීන් ද ආකර්ෂණීය ලෙස නිවැරදිව ජන හද තුළට ඉතා විනිවිදභාවයකින් යුක්තව සමීප කරවීමත් ජනතාවගේ සුභ සිද්ධිය නංවාලීම සඳහා වඩාත් ගුණාත්මක භාවයෙන් යුත් කාර්ය භාරයක් ඉෂ්ඨ කිරීමත් මාගේ ඒකායන අරමුණ බව සඳහන් කර සිටිමි.